طريقة الكنافه والقاطيف

اخبار بنات

واخبار الكنافه والقطايف معاهم؟:)

يا سلام:)
امممممممممممممممممممم

ايه رأيكم يا بنات لو نتفق اتفاق:)

ينفع بعد ما تصلى العصر كده

تقومى تعملى لعائلتك كلها قرص كنافه
ولا حبه قطايف:)

ووانتى بتسمى عشان تبدأى فيها

قولى يارب نيتى ابسط اهلى بيها:)

او قولى دى ابتغاء وجهك بس يارب

اتعودى على كده
بعد الفطار

قولى لماما يا ماما اعدى انتى
انا هغسل الاطباق بدالك انتى تعبتى طول اليوم:)

تعرفوا يا بنات

حتى تنضيفك للبيت
ومساعده والدتك فى اى شىء

لها اجر:)

اكيد

ما كل ده بر:)
والله بر:)
وبكره تصدقى كلمتى دى

لما تلاقى ربنا بيفتحها ادامك فى كل شىء:)

ما هو ازاى ميبقاش بر وانتى رسمتى بسمه على شفايفهم:)

يعنى عايزه تقوليلى لما تقوليلهم انا قايمه اعملكم حبه كنافه

مش هيفرحوا بيكى:)

ويدعولك:)

واهو حتى يا ستى عشان لما الزوج الصالح يجى
يبقوا يقولوا بتعرف تعمل كنافه وقطايف;)

ويخلوا الطابق مستور عا الباقى:)

بقولك ايه:)

انا هديكى طريقه القطايف بالمكسرات دلوقتى
ان شاء الله:)

وتقومى تعمليها وتدعيلى:)

ولو نفسك فى كنافه

قلبى فى الالبوم انا نزلتها قبل كده
الكنافه بالقشطه;)

ومتقوليليش مفيش مكونات عندى

البسى عباياتك وفى ثوانى انزلى هاتى

هى فيها ايه يعنى:)

ياالا اكتبى ورايا:)

عايزين نص كيلو قطايف صغيرة
ملعقتين جوز هند
ملعقتين فستق مطحون
اقصد يعنى اللى هو بتكسريه ده:)
ملعقتين بندق مطحون بردو
ملعقتين عين جمل مطحون بردو:)
ملعقة ماء ورد
زيت بقى للقلى ماشى

نيجى للشربات بقى:)
هنحتاج

كوبايه ونص سكر
كوبايه ماء
ومعلقه عصير ليمون
وباكو فانليا

هنيجى للشغل بقى يا بنات:)

هنعمل الشربات الاول:)

هتحطى فى اناء مايه وتحطى عليه السكر وتشيليه بقى من عا النار:)
اول ما يبدأ يغلى:)
وبعدين تحطى عليهم عصير الليمون مع الفانيليا
وسيبيهم حوالى 4 دقايق كده بردو عا النار:)
وبعدين سيبيهم بقى على جمب يبردوا:)

تروحى بقى للمكسرات
متتسليش عليها ها
دى للقطايف:)
هتحطى عليهم مايه الورد:)
وتحشى بقى القطايف بمزاج:)
يعنى امسكى القطيفايه كده:)
وتحطى فيها معلقه صغيره من الخليط بتاع المكسرات:)

وتقفليها كويس
احسن وانتى بتقليها تلاقيه اتفتحت:)
حكم انا عرفاكم:)
وبعدين زى الشاطره تسيبى الزيت يقدح شويه
طبعا عاررفه يعنى ايه
وتقلى بقى القطايف:)
اول ما تلاقى لونها بقى دهبى كده:)
وبعدين طلعيها انقعيها فى الشربات بقى:)
وقلبيها فيه:)

وبعدين رشى عليها حابه من خليط المكسرات عا الوش كده:)
عشان يبقى شكلها حلو:)

ورشى حابه عا الطبق بردو:)

عشان يقولوا فنانه والله:)

ياالا قومى دلوقتـــــــــــــــى اعمليها :)
وادعيلى
اشمعنى انتى هيدعولك:)